Претставува повеќегодишно растение со задрвенето, умерено разгрането стебло, со голем број жлездести влакна. Листовите се сивкасто-зелени, јајцевидни, назабени, поставени на долги листни дршки. Во пазувите на листовите се развиваат црвени или розеникави цветови. Се сретнува на отворени суви места, покрај патишта, на варовнички камењари и карпи. На територија на Македонија се развива во централните, западните и југозападните делови.