Ова растение потекнува од Мадагаскар и е познато под името „молив дрво“. Претставува силно разгранета грмушка со задебелени, сукулентни гранки на кои се развиваат куси листови. Листовите отпаѓаат брзо после нивното развивање. Мали, жолти цветови се развиваат на краевите од гранките. Растението произведува млечен сок (латекс), кој е отровен и може да предизвика слепило. Може да достигне висина на раст и до 7 m.